Ina, maybahay, anak, at iba pa
Ang Ina, Maybahay, Anak at Iba Paay kalipunan ng 25 maikling kuwento na naglalarawan sa mga tauhang babae nito sa iba't ibang papel na kanilang ginagampanan: bilang ina, maybahay, anak at iba pa. Ang huli ay patungkol sa mga papel ng isang babae sa labas ng tahanan tulad halimbawa ng pagiging guro, reporter o empleyada. Ayon na rin kay Arceo, maaaring ang kuwento ay isinasalaysay mula sa paningin ng isang lalaki, ngunit hindi pasusubalian ang pangingibabaw ng mga tauhang babae. Ang mga kathang ito ay sumasaklaw sa dalawang dekada sa buhay ni Arceo bilang manunulat, mula nuong 1950 hanggang 1970. Sa panahong ito ay naging abala rin si Arceo sa pagsusulat ng mga nobela at iba pang akdang tumatalakay sa iba't ibang isyu. Ang pagkakaiba nga lamang ng mga kathang nasa koleksyong ito ay ang pagtutuon ng pansin ng mga ito sa iisang paksa: ang papel at katayuan ng mga tauhang babae sa daigdig ng mga nasabing kuwento.